Un wenn en moet, denn moet he wull,
Un got is, wenn he kann,
Un nich glik hett de Bücksen vull
Un höllt sick as 'n Mann.

Kommißbrod hen! Kommißbrod her!
Is Helm dat, is dat Hot –
Hew doar ick, hew ick hir dat swer,
Sü, Dirn, dat is glik got!

Ick wull, hir stünn man sonn Franzos,
Sonn Klas vun Hannemann, –
Furtst mit de Plemp foart 'k up se los
Un haugt se in de Pann.

Ick wet, du büst un bliwst mi tru;
Na lach ens, Dirn! wat wenst?
Ken Anne wad min Fru as du, –
Un nu Adschüs noch ens!
De Trummel sleit nu trumtritrum!
Kamrad kumm! Kamrad kumm!
Rechten, Linken! Speck un Schinken!
Grar de Ben und stiw de Nack –
Kamrad kumm mit Sack un Pack! –