Klaus Groth
Quickborn
Klaus Groth

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Schitkroet

Nu seh den lütten Bræsel,
Wa he dar smökt un smackt!
He pafft je vær den Kæsel,
As wenn en Lüttjmann backt.

Wa smeckt de Pip wul prächti!
Wat makt he'n schewe Snut,
Un snuggt tohöch, un mächti
Spiggt he denn sitwarts ut.

He is værwahr en Knewel!
Veer Fot un doch keen Knast.
Wa blank is nich sin Stewel!
De Föt so rech værdwass!

Veerschröti – as en Snider,
Wallbeenti as en Tachs,
Mit Swewelstickenglieder,
Mit Keben as en Lachs.

Hett Ogen rund as Hagel,
En Farv as Bottermelk,
He danzt di as en Vagel,
Un supt di as en Elk.

Hemdsmaun, un eben hekelt,
De Börsten in en Tut:
Süh, wa he wichti schrækelt,
As dach he Böker ut!

He lett de Steweln glinstern
Un blas't den Rok inn Wind. –
Jüm Dierns in de Finstern,
Kikt jüm de Ogn ni blind!


 << zurück weiter >>