WEr allzeit auff all wind will sehen,
    Der wu^erd nicht sa^eyen oder ma^ehen.
Drumb nam ich Winhold dise mu^eh,
    Vnd procket dise praetick hie
Das die Sternbla^ender vnnd sternscha^ender
    Betriegen nicht meh sta^ett vnnd la^ender
Mit falsch Prognosticationen,
    Da sie den Herren vnd Nationen
Wo^ellen vorsagen künfftig sachen
    Vnd lu^egen das die himmel krachen,
Wo^ellen die leu^et mit sternen schrecken.
    Doch wer wolt glauben disen gecken.
Weil sie offt in geringen dingen
    Gar ha^eßlich grob zůsamen klingen.
Vnd setzen offt ein Schaubenhůt,
    Da wol ein filtzhůt besser thůt.
Wa sie in solchen sachen fehlen
    Wer will sie dann fu^er glaubhafft zehlen
In stu^ecken daran meh gelegen
    Wann kranckheyt, krieg sich sollen regen,
Wa sie nicht sagen war dem Bauren,
    Wann er soll pflantzen oder Mauren,
Wie wolten sies dan treffen gleich
    Mit Herrn vnd jrem ko^enigreich?
Man laßt die Sternkunst gelten sta^et
    In jrer Generalitet
Das ein groß neigung han besunder
    Die ober Co^erper zů den vndern,
Aber man handelt viel zů schno^ed
    In der particularitet,
Wie heut thůn vnsre Manuisten
    Manes ju^enger des Widerchristen,
Welcher im selbst nicht kond verku^enden
    Das jn ein Perser noch solt schinden.
Derhalben bleibt nur vnerschrocken,
    Wan sie schon dicke proctick procken, 31
Vnd laßt euch nicht durch jhren schein
    Erleiden weder bier noch wein,
Es ist ein lastrolugium,
    Vnd macht die leut mit nichten frumb.
Sonder weißt sie von Gott zůn sternen,
    Das ist, zůr schalen von dem kernen.
Glaubt aber bit ich nun vortan
    Dem Rechten gstirn erfahrnen Mann,
Welcher verzuckt ist worden gar
    Bitz in den dritten himmel zwar
Der spricht, wann Gott hie fu^er vns ist
    Wz schads, wan sichs alls gen vns ru^est
Das sternen gscho^epff nichts schaden kan.
    Wan wir des scho^epffers huld nur han
Derhalb auff das man Gott zů schmoch
    Solch lo^eppisch ding nicht halt zů hoch,
So hab ich hie die Wetterhanen
    Im schimpff ein wenig wo^ellen manen,
Das sie jr practick vnd vorsagen
    Ein wenig hobeln vnd benagen.
Benagens wol jr wetterschmecker
    Im finstern stern gibts ra^ese lecker,
Oder wolt jr den den jrthumb sta^ercken
    So werden es die Bauren merken,
Vnd es nicht ko^ennen meh vertrucken,
    Sonder euch lan in hindern gucken.
Da guck du sterngauch, guck du gauch
    Wie blintzelst? beißt dich schon der rauch,
Wolher nun jr Newzeitung kra^emer,
    Die Proctick wu^erd euch angenemer
Dan het es Murnar Naßhoch gstelt,
    Dieweil es euch tra^egt schmutzig gelt.
Wolher kaufft jr newzeitung schreyer
    Hie ißt wat nu^ews vom Sternen geyer.
Ich bit S. Claus von Alten hulden
    Das er euch 10 000. gulden
Einkommens ja^erlich wo^ell bescheren
    On liegend gu^eter, die euch nehren. 32
Das wer ein boß, das wer gůt leben,
    Dieweil wir warn am wu^enschen eben,
Wu^enscht ich so ma^er den rechten butz,
    Weil mir eins wie das ander nutzt,
Doch wann es war wu^erd in eim schertz
    Wie wu^erd dir lachen da dein hertz,
Vnd wan es schon geht hinderwertz
    So ist er nur gewu^enscht im schertz,
Wem nicht wu^erd Nieren oder hertz
    Sey fro der bieren vnd des stertz.
Nun bey dem schwantz vnd stertz
    End sich die Schantz vnd schertz.