Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Johann Fischart

Aller Praktik Grossmutter

IM Brachmonat würd das schaffscheren erst recht angehn, dan die Son bringt den krebs mit seinen grossen Thonawischen scheren, welchen die bauren zů Liegfeld für ein schneider ansahen, vnd darnach ertrenckten. Wer im Krebs gebvren ist wu^erd jm haben mu^essen vnder dem schwantz liegen. Vmb Sanct Johans tag würd es viel brunst geben. Die scho^ensten würd man am liebsten haben. Bey den hohen bergen wu^erd man thieffe tha^eler finden. Barnabas den la^engsten tag las, vnd wu^etet sens im hew. Sanct Medard ist ein Ma^eder, vnd das er nicht regen trag, er regnet sonst viertzehen tag, vnd noch mehr wers glauben mag. Bey den schlo^essern vnd schmiden würd es vil sta^ehlens geben, So werden die Haffner aber ein mahl den bauren kru^eg anrichten. Hertzog von Du^erstberg würd vmbschlagen, vnd das Milchvolck nach dem gesundbrunnen weisen. Wann es nach dem Krebs gehen soll, so werden die seulen hinder sich gehn, die scha^emel auff die ba^enck steigen, die hauptküssen ligen zů den fu^essen, der bauch zů vorderst gehen, der Arsch zům ersten nidersitzen, der geknipfft würffel auff elff fallen, Kein Eß im flüßspiel gefunden werden, noch die bonen im Ko^enig kůchen auff die heyligen drey Ko^enig tag, vnd die nasen krumm wachssen, die augen hinder sich sehen, vnd der arß hinden auß blehen.

6. Das sechst New würd auff den hungerigen freytag vor der faßnacht im thaubenschlag, da die Flederma^euß außhecken, vnd ist der Mon in der Meid, Ist gůt lassen auff dem dach vnder der stiegen, da die ga^euch jr na^ester haben. 20