Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Johann Fischart

Aller Praktik Grossmutter

Von Nationen vnd Sta^etten.

POlen vnd Vngeren würd diß Jar groß Krieg führen mit dem vngeziffer. Sachßen, Meyssen vnd Thüringen würd das gering bier nicht gern trincken. Venedig, Straßburg, Costentz vnd Lindaw würd an wasser nicht leichtlich abgang haben. Aber der gemein Mann zů Würtzburg wu^erd nicht so reich sein, als desselbigen orts ettliche Domherrn. Den Bayern vnd Schwaben würd es wol gehn, wann sie kein mangel an der notturfft hetten. Die Sta^ett werden ledig vom Todt sein, so bald man sie hat eingegraben. Antorff würd vngleiche ka^euff treiben. Zů Regenspurg würds wasser vnder der Brucken hinfliessen biß gehn Constantinopel ins Meer. Zů Augspurg werden Ma^euß an statt der Ratzen sein. Spanien würd zůnemmen wann es jm nicht fehlt. Man würd den Spaniern vnd den Polen acht auff die ha^end haben mu^essen. Das Niderland würd zůsteigen haben will es in das Oberland. Die Italia^ener werden sehr die Esel trucken. Die Saracenen werden mechtig von den Mucken vexiert werden. Es würd viel fisch im Meer geben, vnd niergend meh saltz 27 dan in der pfannen, vil Sa^ew im Beyerland, vil sand zů Nu^erenberg vnd Hagenaw, vil Rettich vnd Růben zů Straßburg, vil wein vnd bettler im Elsaß, vil Korn in Polen, vil ku^eh im Schweitzerland, viel Ochsen in Vngeren, vil Butter in Holand, viel Ka^eß in Flandern, vil Ha^engst in Frießland, vil danzapffen im Schwartzwald, vil ha^ering inn Seeland, vil Roß in Denmarck, vil mandelen vmb Speir, vil Honig in der Eyfel, vil Hopffen in Saxen, viel Speck in Westphalen, vil Ga^ens im No^erdlingergaw, vil Geissen in Hessen, vil Hutzelen im Algo^ew, Lo^ewen in Affrica, Kümmich in Malta, Maulbeerbletter zů Messana. Schwartz leut in Morenland, Weiß leut in Schweden. Corallen in Egypten, Zimmet in Zalon, pfeffer vnd imber in Calicuth, Greiffen in India, Pantherthier in Parthia, Tigerthier in Hircania, Perlin in Persien, Myrrhen in Arabien, Thůch von Antorff, Gewürtz von Lisabona, Seiden von Venedig, Barchet von Vlm, Eisenwerck von Nürenberck, Reiß von Meiland, leinwat von S. Gallen, Baumwollen auß Cypern, Cypreß in Creta, Magneten in Macedonien, gifft in Thessalien, zucker zů Palermo sümpff in Massow, feüwr im Heckelberg, Schnee auff Alpengebirgen, Veltliner vom Chumersee, Rangenwein von Dann, hammelfleisch in Malta, Küngelein in Spanien, Arles von Arles. Eulen zů Athen, Ka^elt in Samogetia, Granato^epffel zů Granata, Augstein in Preüssen, Schlehen im Jochimerthal, Quecksilber im Scho^enbach, Schiff im Haaffen, Auwerochsen in Polen, Schiffholtz vmb Genua, Wullen in der Bůch, Brunnen in Burgund Krebs zů Pruntraut, Scorpion in Welschland, Wandleüß in Franckreich, Marmelstein zů Verona, Reinfal in Ho^esterich, Growerck in Lyffland, Schleiffstein zů Padenborn, graw hasen in litthaw, Pfaffenhůren vnnd Esel zů Rom, Weiß Ba^eren bey den Reüssen, Su^eßholtz zů Bamberg, Ka^emmetfa^eger in Churwalen: Curßwein in Corsica, Kreiden auff der Schampagni, Kro^epff im Pintzgo^ew, Silber in Tyrolischen bergen, Warm wasser in den Ba^edern, Saltz zů Hall, Mett zů Eger, Stockfisch in Nortwegen, Rainger in Lappenland, Wachs in der Moscaw, Schaff vnd thůch in England, Steinsaltz zů Crackow, Weyerfisch in Westerich, 28 Seefisch im Heegew, Hanff in der Mortnaw, Eßigwein zů Ingelstatt, Eichelen im Nordgaw, Dantzend pferd zů Neaples, Juden zů Franckfurt, Muffelthier in Sardinien, Holtzo^epffel vmb Saltzburg, Zwibeln in Francken, Gersten auff der Alb, kesten vmb Heidelberg, Salmen in Schotten vnd Ga^euch durch alle Land.

Kranckheyten Artzneyen vnd sterben.

WAnn der Wind nicht blaset würd ein groß sterben in dem Spittal in die flo^eh kommen. Es werden so vil geistliche sterben, das man niemands finden würd ko^ennen, dem man die pfründen verleihe, dermassen das jren vil zwo drey, vier vnd mehr besitzen werden. Die blinden werden nicht einen sticken sehen, die tauben werden gar wenig ho^eren: den podagramischen würd das dantzen erleiden, die stummen werden stillschweigen vnd die hinckende sich neigen. Vil Schaaff, Ochsen, Schwein, Vo^egel, Hu^ener, Dauben, Ga^enß, Enten, werden sterben in den kuchen, vnd würd ein solch sterben nicht vnder die Affen vnd Ka^emmelthier kommen, wiewol man es sonst genaw sůcht, das auch die Fro^esch vnnd schnecken vor grossem schlecken nit thieff genůg sicher in der erden stecken. Vil wunden werden vnheilbar sein. Ein Wundartzt der barmhertzig ist, ein wund nur meh verwüst. Ein Artzt verzagt, der die krancken viel fragt, sie doppel plagt. Die Polnischen kopen von gewürtz, auch von Rettich vnd zwibeln die fürtz, werden den luft vergifften. Als dan wann ein sterben vnder die Ga^euch kompt, so sperret fenster vnnd laden zů, es mo^echt sobald ein vnschuldigen treffen, duck dich gauch der Narr ist voll, &c. Werden sich die jungen wie die alten zů sterben entsetzen. Kein Milch auff die Fisch, sonder ein Nuß erwisch. Milch auff wein ist gifft, Aber auff Milch den wein, das mag ein Artzeney sein. Wz sol andere Artzney zuckerey vnd zauberey, die die leüt to^edten on scho^ew: Aber die Artzeney ist galgenfrey, Auch kan ich wol ermessen, dz kopffwe erfordert essen, vnd das Magenwee scheissen das darff 29 mich kein Theophrastist weissen. Vnd essen vnd nit getruncken, ist sv vil als gehuncken. Deßgleich wer wol schla^efft, seicht, kopt vnd furtzt, Bedarff kein Artz noch wurtz. Vnd fleisch macht fleisch, fisch macht nisch, und knobloch ist ein gůter koch, erhalt den bauren noch, den Apotheckern zů schmoch, vnd den Doctorn zů poch. Ein kappen acht Monat alt, ich für ein Keysers essen halt, wiewol ein Kochersperger Baur auch mit a^eß. Die flüß vnd Catarrhi werden diß Jhar meh vom haupt fallen, dan vom gesa^eß, dann auß dem fallen kein flüß, sonder ef er es. Die gründigen werden sich selbst beissen grammen vnd fressen. Die blo^edigkeit der augen würd dem gesicht wee thůn. Die padagrammischen werden sich baß an den za^ehnen dan an den beinen befinden. Die gesunden werden sich besser gehaben dan die krancken. Die das durchlauffen kriegen, werden offt den ko^enigstůl besůchen, vnd soll jhn in solchen aufflauff erlaubt sein, wann sie kein wisch haben, die finger oder das hembd zů brauchen, oder, wie ichs von eim lecker gesehen hab, zieh den einen strumpff auß, vnd wisch inwendig das gesa^eß dran, Deren lungensichtigen würd vom stechen der Kützel in der seitten vergehn. Das Grün würd zů vertreiben sein mit dem schwa^ertzen. Wann ein Podagramischer ein Pfersichkern trucket das er Oel gibt, so würd jm geholffen. Die feüchten getreuwen Nasen werden vil schluckens vnd truckens bedo^erffen. Das Alte würd sein vnheilbar von wegen der vergangnen jar. Es würd das leben kosten denselbigen die da sterben vnd als dan werden sie kein beckelhaub meh bedo^erffen. Kurtzumb wir mu^essen vns zůletz alle im ha^eußlin behelffen, da der gibel biß an die nasen stoßt, vnd wer da fro^elich vnd fridlich fahrt daruon, der würd auch fridsam auffersthon. Darauff do^erfft ich schier sterben, daß jm also sey, wann es nicht weh thet, vnd sein müßt.

Nun das ich es recht beschließ, dann so das end
gůt ist, so ist es alles gůt, sagt ein mahl
ein Herr sehr Reich, mir vngleich, belegt
er ein zwilchenen küttel mit
borten von guldenen stücken. 30