Johann Fischart
Aller Praktik Grossmutter
Johann Fischart

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

IM Meyen kompt die Son zů zweien zwilling (dann drey hab ich nie gesehen) Darumb würd niemand gern allein sein. Den lieben würd die nacht kaum .8. stund, den zaenkischen der tag noch so lang werden. Welche fraw disen Monat empfaengt, würd darnach bald schwanger werden. Es sollen dise Monats zeit die Baeum vnder dem laub stehen: Die gebornen Doctor werden fast laeppisch sein, vnd die alten haeut werden vil gerbens bedoerffen. Der hat ein boeß nachtmahl gewiß, der alles auff den Imbiß ißt, Schwartz hennen werden weiß Eyer legen. Die Gaeuch werden im feld fliegen, aber in der Statt werden sie gehen. Wer dem Hirten das graß abmaeyet, wird den Schaffen schaden. Die Eyer kuchen von neün vnd neüntzig kraeutern werden gemein sein, secht daß euch kein gaeuchkraut im halß besteck. dann es ist kein schleck, was die kueh vnder dem schwantz hacken, Ich geb eim nit ein dreck vmb die Naß, wann eim ein kůh auff ein aug thůt. Den Meyen voll wind begert das baurengesind: aber der mehst theil sagt der Meyen solte sein zwischen zweyen, nicht zů feücht, wie mueßt er 19 sein vileicht? Ist der Mey ein gaertner, so ist er ein gůter ackerer, & contra wie man die wollen streücht.

5. Das fünfft New würd am gelben Mittwoch, als der Ripel die stieg abfül mit drey schüssel eingesultzter hundsfueß, vnd ist der Mon auf Schwaebisch voll, hat jnnen sieben maaß tromiers, vnd ist gůt lassen an dem lincken Holtzschůch, Artzney gůt in der hundsmilch. Baden im weinbach.


 << zurück weiter >>