Johann Fischart
Aller Praktik Grossmutter
Johann Fischart

 << zurück weiter >> 

Von den regirenden Planeten.

DIe Planeten diß jar (wie auch alle zwar) werden vnstaet sein, vnd gehen nach dessen willen der sie regiert. Saturnus würd hinder sich gehen wie ein staettiger Esel, die Venus für sich, wie ein vorhaengig Roß, Mercurius würd schweiffen, wie ein Neapolitanisch pferd dantzt. In disem jar werden vil Regenten sein, oder geborn oder erkoren. Es seind boese contrectationen vnnd contemplationen mit dunckelen zerbrochenen brillen in eim laeren saeckel, so die contraction zů groß ist. Es seind boese inclinationen vnd neigungen wann man die stiegen einfaelt: Vnd die da fallen, da würd es nur zů jnen stehn, das sie widerumb auffstehn. Wolauff die hüner braten schon. Ein langweiliger Aspect eine haeßliche jungfraw, aber ein schoene, macht ein hüpsche complexion. Aber sie seind all hüpsch ohn die mein.


 << zurück weiter >>