Max Hofmann
Wia der Schnabi g'wachsen is
Max Hofmann

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Fluchen.

            Fluacha, dös is streng verboten,
Doch kummt's manchmal wia der Wind,
Beinah hätt' heut unser Pfarrer
Selm beganga so a Sünd.

Von die Gnadenmitteln red't er
In der Schul, hat oft aa g'sagt,
Wia ma dö mit oam Wort nennt no,
Hat zur Prob an Michl g'fragt.

Doch der hat sein Kopf wo anders,
Auf der Gassen und beim Spiel;
Schaugt, wia aus die Wolken g'fallen,
Woaß net, was dö Frag da will.

Vogelwild wird da der Pfarrer,
Lafft ganz grimmi zu eam hi',
Schreit voll Zorn, wia er 'n beutelt:
»Sa–kra–men–te heißt man sie!«


 << zurück weiter >>