Der Reiterbau'r von Harmating,
Der hätt' oans, wia er's will;
Fünfhundert aber möcht' der ham
Dös is scho z' hoch, dös G'spiel.

Von hint und vorn wird's visitiert;
»I moan, es is net frumm.«
»»Ja, beten, woaßt, koo's freili net;
Geh, schmatz doch net so dumm.««

Vierthalbi biat' der Schmied eam iatzt,
Weil gnua dafür dös sei;
»»Ja, moanst net,«« sagt der Bauer drauf,
»»I soll Dir's schenka glei?

Beim Draxler kost a Zehnerl oas;
A solches kaffst Dir geschwind –
Dös hat a Pfeiferl für an Schwoaf,
Koost einiblasen hint!««