Woaßt an Lumpen aa, an großen,
Mog aa ganz schlecht oaner sei,
Haberfeld darfst nimma treiben,
Jahrlweis' sperr'n s' Di do ei.

Und dazua muaßt Steuern zahl'n;
Allwei bessa wird's Dir g'muckt;
Darfst koa Wörterl drüber sag'n,
Stad sei hoaßt's und obag'schluckt.«

»Recht hast, Selma,« sagt der Huber;
»Ja, i leg Dir gar nix oo;
Bals so furtgeht – merk Dir's, Spezi –
Druckt's mir selba 's Herz no oo.«

»Sixt und mir« – sagt hint der Woferl –
»Hätt's an Magen z'nachst dadruckt;
Drei Pfund Kas und sechs Paar Dicke
Hob i do z' schnell obag'schluckt.«