Hoam kummt s' wieder in d' Vakanz na,
Alles sie ganz hochdeutsch nennt;
G'sprocha hat s' ferm advokatisch,
's Bauernwerkzeug nimma kennt.

Wia's amal schö Wetter gewesen,
Geht sie aa mit naus in's Heu:
Liegt a Recha dort am Boden;
Fragt s' an Vater, was dös sei.

Tritt dabei mi'm Fuaß auf d' Zinken,
Daß dös Instrument schnellt auf:
»Sakra!« sagt s', »der Schinder-Recha
Haut mi grad auf's Maul da nauf.«