Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Auf den Tod eines Zechers.

Do hen sie mer e Ma vergrabe.
's isch schad für sini b'sundre Gabe.
Gang, wo de witt, suech no so ein!
Sel isch verbei, de findsch mer kein.

Er isch e Himmelsglehrte gsi.
In alle Dörfere her und hi
Se het er gluegt vo Hus zu Hus:
Hangt nienen echt e Sternen us?

Er isch e freche Ritter gsi.
In alle Dörfere her und hi
Se het er gfrogt enanderno:
»Sin Leuen oder Bäre do?«

E guete Christ, sel isch er gsi.
In alle Dörfere her und hi
Se het er unter Tags und z'Nacht
Zuem Chrüz si stille Bueßgang gmacht.

Si Namen isch in Stadt und Land
Bi große Here wohl bikannt.
Si allerliebste Kumpanie
Sin alliwil d' drei Künig gsi.
Jez schloft er und weiß nüt dervo;
Es chunnt e Zit, gohts alle so.


 << zurück weiter >>