Autorenseite

 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Der Schwarzwälder im Breisgau.

Z'Müllen an der Post,
Tausigsappermost!
Trinkt me nit e guete Wi!
Goht er nit wie Baumöl i,
        Z'Müllen an der Post!

        Z'Bürglen uf der Höh,
Nei, was cha me seh!
O, wie wechsle Berg und Thal,
Land und Wasser überal,
        Z'Bürglen uf der Höh!

         Z'Stauffen uffem Märt
Hen sie, was me gehrt,
Tanz und Wi und Lustberkeit,
Was eim numme 's Herz erfreut,
        Z'Stauffen uffem Märt!

        Z'Friberg in der Stadt,
Sufer ischs und glatt.
Riichi Here, Geld und Guet,
Jumpfere wie Milch und Bluet,
        Z'Friberg in der Stadt.

        Woni gang und stand,
Wärs e lustig Land.
Aber zeig mer, was de witt,
Numme näumis findi nit
        In dem schöne Land.

        Minen Auge gfallt
Herischried im Wald.
Woni gang, se denki dra,
's chunnt mer nüt uf d' Gegnig a
        Z'Herischried im Wald.

        Imme chleine Hus
Wandlet i und us –
Gelt, de meinsch, i sag der, wer?
's isch e Sie, es isch kei Er,
        Imme chleine Hus.


 << zurück weiter >>