Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Klaus Groth
Gedichte
Inhalt

Inhalt

Klaus Groth
 << zurück weiter >> 

Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Regenleed.

          Regen, Regen, drus',
wi sitt hier warm in Hus'!
De Vageln sitt in Bom to kurn,
de Köh, de stat an Wall to schurn:
Regen, Regen, drus',
wi sitt hier warm in Hus'!

Regen, Regen, rusch,
wa rükt dat ut den Busch!
De Blöm, de hangt so slapri dal,
de Böm, de röhrt de Blaed ni mal:
Regen, Regen, rusch,
wa rükt dat ut den Busch!

Regen, Regen, sus'
vun baben op uns Hus,
vunt Dack hendal in striken Strom
un lisen ut den Eschenbom:
Regen, Regen, sus'
vun baben op uns Hus.

Regen, Regen, rull,
bet alle Gröben vull!
Denn lat de Wulken aewergan,
lat de Sünn wedderkam';
Regen, Regen, rull,
bet alle Gröben vull!

 

 

 << zurück weiter >> 
Impressum ∞ Nach oben ∞ Datenschutz