|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Zwee' Bauern, rechte Dickschädln,
Da Jokl und da Lenz,
De homant mitanonda
An Strit ghot wegn da Grenz.
Da Jokl rennt kreuzwilde
Zun Advokatn gleih
Und nimmt eahm für an Zeugn
Sein Schwogern mit und s Wei.
Er expliziert dem Dokta
Sein Foll und wal er glaubt,
Des kannte ahm eppa fruchtn,
So luigt er, dass olls staubt.
Sei' Wei tuat eahm zerst deutn,
Aft follt s eahm schled in d Red
Und schreit: »Sa stat, du Malaff,
So luign brauchst denat net.
Bleib du no bo da Woahrat!
Da Dokta is hell gnua,
Der luigt eahm weit eps gscheiters,
Bol s nout tuat, selst dazua.
*