Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Bol ih wieda af d Welt kümm

Bol ih wieda af d Welt kümm
Und wenn s scho' muass sa',
Koa' Bua wir ih nimma
No koa' Bua net, na', na'!

Schaust wou der Will hi',
So is s übroll danoh,
Wos war a' Bua grod wegn
An Weibsleutn do.

Tuast dih umma um d Menscha
Und rennst mit da Schoar
Und packst oane zsomm, aft
Bist eh scho' da Noar.

Willst gscheit sa' und tuast dir
Um goar koane schau',
Hoißt s: Bist holt a' Mamlass,
Drum tuast dir net trau'.

A' Noar bist, bols d heiratst,
A' Tolk, bleibst inloa' –
A' Monnstleut woaß richti net,
Wos s do soll toa'.

Drum war s holt, das suns'roans
Net goar so war quält,
Gleih gscheita, ma' kamat
Wos a' Weibsleut af d Welt.

So tuar ih s, bol s Schicksal
Mir wieda begegnt. –
Aft künnant s mih gern hobn
De Menscha, wenn s mögnt.

*