Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Stand s dafür?

Sitznt zwee' Bauern bon Bier,
Muass eah' heunt sakerisch schmecka;
Schüttn s sched oi nachanond,
Donne eah' da Wirt kam daklecka.

Oana is lusti, fidell,
Schwandert und schwurwlt für zehne,
Sing eahm oa's, trummelt in' Tisch,
Sagt üba s Bier ollas Schöne.

Oba da onda, der schaut
Fuchsteuflswild vor eahm nieda,
Trinkt sched und sagt ninks und trutzt,
Wenn de gonz Welt eahm war zwida.

Sagt ejtz zun ondern der oa':
»Geh du, louss s Häupl net hänga.
Woaß s, dass d a' Wei host, wöi – s mei'!
Derfst af den Drakn net denka!

Stand s dir dafür, dei' schlimms Wei,
Dass d dih in d Zwidikeit zwingast?
Gschag dir net hoart um de Maß,
Wennst as in d Goll einitrinkst?«

*