Ein Geistlich spiel von der Gotfurchtigen vn keuschen Frawen Susannen

Actus tertii scena prima.

Susanna. Sara. Dabira.

Susanna:
	675	Ytzund scheind fein warm die sunn: Drumb ich gehen wil zum brunn Und daselbs mich badn ein weil; Dru^emb so macht euch auff mit eyl,
		Volgt mir in den garten nach,	5
	680	Dann richt auß auch eure sach!
Sara:
		Liebe fraw, wir seind bereit, Euch zu geben hin das gleidt. Solln wir auch was tragen mit?
Susanna:
		Neyn, yhr do^erfft ytzunder nit:	10
	685	Darnach will ich sagen wol, Was man mir als bringen sol. ¶ Das volgent redet sie jm garten. Nu geht itzund wider hyn, Weil ich nu beim brunnen bin:
		Dann ich mich ein weil allein	15
	690	Baden wil, dorfft nicht da sein; Aber ubr ein kleine zeit Secht, das ir bey mir do seyt. Bringt mit euch die salbn und o^el,
		Seyff und was ich haben so^el.	20
	695	Dann so solt yhr salben mich, Biß ich meine zeit ersiech; Yzund aber habt in acht, Das yhr wol die thu^er vermacht,
		Das nicht yemands kom herzu	25
	700	Und mir leyd und ungmach thu! 131
Dabira:
		Seit on sorge, liebe fraw: Dann wir wolln mit aller traw Euch die thu^er verwahren fest,
		Wie wihr mu^egn auffs aller best!	30
Sara:
	705	Do^erfft yhr unser sonst zu nicht?
Susanna:
		Nein, secht, das yhr das außricht!

Actus tertii scena secunda

Resatha. Susanna. Ichaboth.

Resatha:
		Wolauff, es ist itzunder zeyt, Das glu^eck hat uns den weg bereit!
		Ich hoff, wir wolln ytzt werdn gewert,	35
	710	Was unser hertz hat lang begehrt!
Susanna:
		Hülf got, was da? wo kumt yhr her? Wie habt yhr mich erschreckt so sehr!
Ichaboth:
		Endsetzt euch nicht, fraw tugentreich,
		Das wir ytzt kumen her zu euch!	40
	715	Die ursach, die uns einher treyb, Das ist eur edler, zarter leib, In welches lieb wir seind endzundt, Das unser hertz on auffho^ern brindt
		Und gar nicht kan geleschet werdn,	45
	720	Yhr thut dann, was wyr ytzt begehrn! Drumb ist das unser bith gemein: Dieweyl yhr ytzund seit alein, Wolt euch ergebn zu unserm willn,
		Der liebe brunst durch euch zu stilln! 132	50
Susanna:
	725	Behut uns got, was saget yhr! Eur bitten das sey weyt von mir! Wolt yhr mich heissen, lieben hern, Was yhr eim andern selbs solt wehrn?
Resatha:
		Ein mal geht hin, es schadet nicht,	55
	730	Es kan so gleich nicht sein gericht! Eur lieb die hat uns so entzundt, Das wir keins synns nicht mechtig sind: All unser gmut sehnt sich nach euch!
		Drumb bitten wir, fraw tugentreich,	60
	735	Dieweil eur lieb das hat gethan, Wolt uns derselben gniessen lahn! Yhr solt es auch nicht thun umbsunst: Stets solt yhr haben unser gunst,
		Dieweil wir leben hie auff erdn,	65
	740	Es soll auch wol verlohnet werdn! Ein edel gschenck wir euch wolln gebn, Des gleichen yhr bey eurem lebn Nie gsehen habt, das glaubet mir,
		So yhr ytz thut nach unser gihr.	70
Susanna:
	745	So^elch gunst von euch ich nicht begehr! Ist gnug, das mich mein lieber herr Mit so^elcher gunst umbfahen thut! Dazu begehr ich nicht eur gut,
		Dann mir von euch kein gschenck kan werdn,	75
	750	Das mir mo^echt lieber sein auff erdn, Dann das ich halt meim lieben herrn Den ehestandt reyn und bleib bey ehrn!
Ichaboth:
		Eur ehr und auch eur gut geru^echt
		Wirdt euch damit genuhmen nicht,	80
	755	So yhr ytzt thut nach unserm wil: Dacn so^elches bleibt wol in der still, Dieweil es niemand ho^ert noch siecht, Und unser keiner saget nicht. 133
		Dann wer wolt euch das sehen an,	85
	760	Das yhr hett unsern willn gethan? So yhr euch aber bschweren werdt, Zu thun, was unser hertz begehrt, So sol euch recht das unglu^eck bstehn,
		Welchs yhr ytzunder wolt umbgehn:	90
	765	Dann erstlich solt yhr eurer ehrn Durch uns erst recht beraubet werdn! Dann alßo wolln wir offentlich Bezeugen, das wir sichtigklich
		Gesehen habn an diser stell,	95
	770	Das sey bey euch ein junger gsell Gelegen und der unzucht braucht, Biß das wir yhn habn weck geschau^echt, Und das yhr drumb von euch habt gsandt
		Eur meid, das so^elchs blib unbekandt!	100
	775	Vors ander, weyl wir habn gewalt, Zu richten uber jungk und alt, So solt ihrs auch nicht haben gut, Es muß euch kosten leyb und blut:
		Dann wir das urteyl fellen wolln,	105
	780	Das euch die stra^effer handeln solln, Wie man mit andern hat gethan, Die yhre ehe zurissen han; So solt yhr dann zugleich der ehrn
		Und auch des lebns beraubet werdn!	110
	785	Des werd yhr euch nicht mu^egn erwehrn: Dann, wie yhr wist, wir seind die herrn, Die yetzund habn die gro^este macht, Und sind vor yederman geacht!
		Alls was wir redn, das glaubet man,	115
	790	Und darff uns niemand wider stahn. Drumb last euch euren syn nicht sein So lieb, das er euch bring in pein, Und volget unserm willen drat,
		Das yhr vermeydet solche not. 134	120
Resatha:
	795	Besinnt euch bessers, liebe fraw, Das rhat ich euch in guter traw! Verschont eurs lebns und eurer ehrn Und thut, was wir von euch begehrn!
Susanna:
		Die angst die hat mich beyder seit	125
	800	Verstrickt mit kumer und mit leydt: Ich greiff zu welchem ort ich woll, So steckts mit gfa^erlickeit gantz voll! Dann so ich thue nach eurm gepot,
		So werde ich zu theil dem todt!	130
	805	So abr ich euch thue widerstandt, So fall ich euch in eure handt Und werd eur straff endpfliehen nicht: Dann ungerecht seind eur gericht,
		Die unschuld hat bey euch kein stadt,	135
	810	Wenn euch der grym besessen hat! Vil besser aber ist mir das, Das ich mein leben fahren laß Und leid von euch den todt mit gwalt,
		Dann das ich mich verßu^endign salt	140
	815	Vor got meins herren angesicht, Der aller menschen werck ansicht, Unnd die wirt all zu seiner zeyt Auch richten mit gerechtigkeit.
		Daru^emb, o got und herre mein,	145
	820	Laß dir mein not bevolen sein, Errette mich von dieser handt! Yhr frevel ist dir wol bekandt! Wo seit yhr ytzt, yhr knecht und meid?
		Knmt, knmt und helfft mir aus dem leidt!	150
Ichaboth:
	825	Ja, wolt yhr daran? hart ein weil: Eur lohn der sol euch werdn zu teil! Laufft yhr behendt, die thu^er macht auff Und rufft dem gsynde allm zu hauff! 135
		Ich wil die weil sie halten wol,	155
	830	Das sie mir nicht endwerden sol!
Resatha:
		Wo seit yhr, knecht und meid ym haus? Wo seit yhr? Laufft behend heraus!

Actus tertii scena tertia.

Gorgias. Samri. Dabira. Resatha. Sara.
Ichaboth. Susanna. Beniamin. Jahel.

Gorgias:
		Horch, lieber, horch, was hebt sich do?
		Ich ho^er ein gschrey, ich weis nicht wo!	160
Samri:
	835	Ich halt, es werd im garten sein!
Dabira:
		O kumt und last uns sehen drein: Der frawn wird was sein widerfahrn!
Gorgias:
		Wie? ist sie drinn?
Dabira:
		Da ist keins harrn!	165
Resatha:
		Yhr meint, yhr habt ein frawen fein,
	840	Die gantz und gar sey keu^esch und rein: So ists ein außgeschu^etter sack! Yhr schalckheit kumt ytzund ann tag!
Gorgias:
		Bhut got!	170
Sara:
		Hu^elff got, was sagt yhr hie? 136
Dabira:
		Wir habens trawn gespuret nie!
Sara:
	845	Ey, hertzne fraw, wie steht die sach: Wie kumt yhr in so^elch ungemach? `Illa lacrimans tacet.`Jene weint und schweigt.
Ichaboth:
		Wie kumt ein ander balck darein,	175
		Dem wol mit buberey thut sein?
Dabira:
		Bhut, lieber herr!
Samri:
		Was hats dann than?
	850	Zeygt uns doch bald und klerlich an!
Ichaboth:
		Einn jungen gselln wir gfunden han	180
		Bey yhr alhie, der hat gethan, Das ich mich scha^eme außzusagn! Das wollen wir den hern furtragn,
	855	Auff das man einst yhr tuck erfahr,
		Die sie verborgn hat etlich jahr	185
		Im schein der ehrn und zu^echtigkeit, Als wer sie selbs die reynigkeit! Dann wir auch selber hetten nicht
	860	Geglaubt, wo wir mit unserm gsicht
		Das selber hetten nicht erfarn!	190
		Wir wollen aber heint verharrn Biß morgn, so wolln wir weiter schawn, Was sey zu thun mit eurer frawn!
Gorgias:
	865	Wo hin ist dann der jung gesell,
		Der gwest soll sein an diser stell?	195
Resatha:
		Der bo^eßwicht ist zu starck gewest, Ich kundt yhn nicht erhalten fest: Er sprang zur thu^er hinaus so schwindt,
	870	Als wers ein hirsche oder hindt! 137
		Ku^enn wir yhn ettwo treffen an,	200
		So soll er auch erkrign seinn lohn! `His dictis discedunt Judices.`Nach diesen Worten entfernen sich die Richter.
Dabira:
		Ach, liebe fraw, weint nicht so sehr: Wir glauben nicht, das wider ehr
	875	Yhr habt gehandelt groß noch klein!
Sara:
		Kumpt, fraw, mit uns ins haus hinein!	205
		Ich hoff, es sol nicht haben not: Der sach wirt aller noch wol rhat!
Susanna:
		Ach, das mein herr schir wider kem
	880	Und disen jahmer auch vernehm!
		Lauff eine hin und thue es kundt	210
		Meinr muter, das sie kum von stundt! Den vater auch zu mir her bitt Und heiß die schwester kumen mit!
Beniamin:
	885	Was ist euch, liebe muter mein,
		Das yhr so weinend kumpt herein?	215
Jahel:
		We hat euch than, lieb memmelein?
Susanna:
		Ich weiß nicht, lieben kinderlein; Ich kan euch ytzt davon nicht sagn,
	890	Ich muß es got meim herren klagn!
Dabira:
		Die alten richter habens than!	220
		Nicht weis ich, was sie gsaget han: Das geht der muter an yhr ehr, Drumb weinet sie ytzund so sehr!
Gorgias:
	895	Die sach die wirt nicht recht zugehn!
		Wir habn ja nie nicht mocht verstehn 138	225
		An worten, noch an allm geper, Das unser fraw ein solche wer, Dann sie ja uns beyd, knecht und meid,
	900	Sehr offt hat gwarnt fu^er unkeu^escheit
		Und stets uns tugnt und frumbkeit glert!	230
		Wie soll sie ytzt sich habn verkert?
Samri:
		Ich kan es auch nicht glauben wol Und weys nicht, was ich denken sol!
	905	Ich ho^er, das man jm sprichwort spricht:
		»Das alter hu^elfft fur torheit nicht«	235
		Die alten leu^et ytz gleich so wol Als junge stecken boßheit vol: Dru^emb denck ich schir, die alten hern
	910	Vileicht der frawen selber werdn
		Ein untugnt angemuttet han,	240
		Und weil sie nicht yhrn willn hat than, So werdns auff sie erzurnet sein Und wolln sie fu^ern in schandt und pein!
Gorgias:
	915	Ist warlich mu^eglich, das so sey;
		Yedoch es bleib ytzund dabey!	245
		Wir thu^eren sie darumb nicht fragn: Itzt, wenn sies wird yhrn eltern klagn, So wolln wirs auch wol recht verstehn,
	920	Wies muß mit diser sach zugehn.

Actus tertii scena quarta.

Helchias. Elisabeth. Rebecca. Susanna. Samri. Gorgias.

Helchias:
		Frid mit dir!	250
Elisabeth:
		O liebste tochter mein! 139
Rebecca:
		O Susann, du traute schwester mein!
Elisabeth:
		Hülff uns, lieber got in ewigkeit! Wie kumts ewig, das in so^elches leid
	925	Du, mein liebste tochter, kummen solt?	255
		Welchs ich lang der meid nicht glauben wolt! Solstu nu zur zeit deinr ho^echsten ehrn Fur ein so^elche erst gehalten werdn, Die du hast von jugnt dein lebn gefu^ert
	930	Keu^esch, wie einer frummen frawn gebu^ert?	260
		Ach, das dir soll geschehen so^elche gwalt! Got wo^ell sehen an dein unschuld baldt!
Susanna:
		Sey dann, das mir got mein her helff draus, Ist es auch mit meinem leben aus:
	935	Dann sie mir den todt gedrohet han,	265
		Weil ich nicht nach yhrem willn hab than!
Helchias:
		Liebe tochter, ho^er ytz auff vom klagn: Dann wir wollen got dein not fu^ertragn, Der on zweyffel dir wirt helffen aus,
	940	Machen sie gleich, was sie wo^eln, daraus!	270
		Wollst uns selber recht erzeln die sach, Wie du kumst zu diesem ungemach!
Susanna:
		Da die sonn heut warm zu scheinn anfieng, Nach gewonheit ich jnn garten gieng,
	945	Wolt beym brunn mich badn ein kleine weil,	275
		Drumb ich sandt die meyd von mir jn eil, Ließ den garten fest beschliessen zu, Meint, ich wer nu da mit guter rhue. Da erhubn sich plu^etzlich zu mir her
	950	Dise richter, des erschrackh ich sehr. 140	280
		Bald sie mir yhr unart mutten an, Lagn mir auch mit bitten hefftig an, Theten mir dazu verheissung viel, Das ich mich ergeb zu yhrem will;
	955	Da sie aber nichts mit gu^et von mir	285
		Kundten habn, da nahmens frevel fu^er Und bedrodten mich mit yhrer gwalt, Sagten, was fu^er gfar mir volgen sollt, Wie sie mir mein ehr und auch das lebn
	960	Nehmen wolten, so ich nicht ergebn	290
		Wu^erde mich zu yhrem willn so bald; Da ich aber yhn nicht ghorchen wolt, Worden sie von stund vol zorn und grym, Rufften meinem gsindt mit lauter stim,
	965	Sagten, wie ich die und dise wer:	295
		Also kum ich leider jn die gfer!
Samri:
		Hab ich nicht die sach errhaten fein, Das die richter selber bo^eßwicht sein?
Gorgias:
		Das sie potz! wer het sich des vertraut,
	970	Das so^elchs steckhen sol jn alter haut?	300
Helchias:
		Helff dir got, du liebe tochter mein, Welchem wol ist kund die unschuld dein!
Susanna:
		Wenn doch nur mein her vorhanden wer, Oder wuste disen yhamer schwer!
Elisabeth:
	975	Schweig, vileicht wird er nu kumen schir!	305
Rebecca:
		Liebe schwester, Got wo^ell helffen dir! 141
Chorus tertius.
		¶ David, der prophetisch man, Zeigt an, Durch gottes geist gelehret:
	980	Wer sich fest auff got erbawt	310
		Und trawt, Der wirt nicht umbgekeret; Wie Syon steht er unbewegt, Wird nicht geregt
	985	Von starcken winden	315
		Des fleischs, des teu^effels und der welt, Gegn in sich stellt, Sich nicht mit sunden Von yhn lasst u^eberwinden.
	990	¶ Sein haus, auff einn felsen hart	320
		Verwart, Ist gwaltig unterfasset; Wasser, windt kans nicht bewegn, Noch regn,
	995	On schad sichs alls abstosset.	325
		Got fu^erchten ist sein burgk und schloß; Kein teu^effels gschoß Kan das zersprengen; Gots wort sein waffen ist und schwert,
	1000	Damit er wehrt,	330
		La^est sich nicht drengen, Zu sundt und abfal brengen. ¶ Aber wer den herrn veracht, Nicht tracht
	1005	Auff seine wort und wege,	335
		Den thut wie ein rhor jm teicht Gar leicht Ein kleiner windt bewegen. 142 Sein haws gepaut ist auff den sandt,
	1010	Hat kein bestandt,	340
		Kan sich nicht halten; Wenn ihn ein kleine su^endt anficht Und nur besticht, Wird er zerspalten
	1015	Und la^est die boßheit walten.	345

Paul Rebhun

Ein Geistlich spiel von der Gotfurchtigen vn keuschen Frawen Susannen

Inhalt

Actus tertii scena prima.

Actus tertii scena secunda

Actus tertii scena tertia.

Actus tertii scena quarta.